Zuegäh, ds Wätterglück isch üs meh als wohl gsunne gsy. Der Bilderbuech-Sunneuntergang u ds Ruusche vo der Aare hei o no viu zu dere ganz bsundere Stimmig bytreit, wo am Donnschtiabe ir Matte  gherrscht het. Me chönnt fasch säge, sisch chly magisch gsy. D Musig, der Bärner Märit, d Fotousstellig, d Bewirtig vor Cinématte und natürlech ds Publikum, wo gloub dä Spätsummerabe a däm wunderschöne Ort o so richtig gnosse het – das aus ir Kombination het zum ne richtig runde Abe gfüehrt, wo all mini Erwartige übertroffe het. Eis vo de vielne Highlights: Wo der Serej am Mik sire Frou im Chylefäud zuegruefe het si söu em telefoniere u sii das o prompt gmacht het. Me het is also ghört geschter Abe...

 

Merci viumau aune Beteiligte und natürlech der ewb für ds Patronat u de Partner Foto Video Zumstei, Berncity u der Cinématte. 

 

Am Flo Brunner isch es wieder einisch glunge, Fotoimpressione y ds fah, wo der berührend Zouber vo däm Abe beschtens usdrücke. Nume di letschte zwöi Bilder si nid vo ihm, der Märit het d Rosmarie Bernasconi fotografiert u der Serej ig. Zum Vergrössere Bilder aaklicke.

 

 

 

Please reload

Verwandte Beiträge

Please reload