• Vo üsere Korreschpondäntnin in Russland: Su

Russland Tagebuech Teil 1

Hopp Schwiiz! – Matchday: Mir versueche no schnäu es guets Föteli vorem Stadion ds mache... imne churze trochene Momänt... bevor d Sunne widr bländet! Wätterwächsu im Minutetakt! Kaliningrad fägt!

Kvas- DAS Nationalgetränk hie ds Russland! Üsi Ungerstützig vor Ort, d Violeta, het derfür gsorgt, das mir aus erschts mit däm uf Brot basierende Schlüfu aafö. Schmöckt wi Kombucha. I findes uu fein!

Chli absyts vom polierte u usepützelete FIFA-Rostov. Viu vom Gäud wo sone WM amne Land bringt, chunnt hie ned a, 3 Minute wäg vo de Prachtmeile u de Coca Cola-Ständ.

Louft... (Su Elsener vorne, zweite von links).

Vo üs hie ds Bärn: Härzlechi Gratulation zum 1:1!

U de no das: We plötzlech verschidenschti Flagge um zwöi Fans umestö u Fötele... dr Trump vereiniget aui... im negative Sinn.

Härzlech, detailverliebt u nid ds letscht: feeeeein! – Üsi bishärige Erfahrige mit dr Rostover Gaschtronomie lö kener Wünsch offe! U immer widr chunnt öpper u seit: "Dir redet Französisch? I ha ir Schwiiz studiert. We dir öppis bruuchet, chöit ihr mi geng frage.

Rostov, 40 Grad, d Frisur isch scho lang kaputt. Ir Fänzone wummere zwe DJs luschtlos übere fasch läär Platz, ä Frou im Bluemechleid u mit Sunnehuet tanzet fröhlech allei u... äs Päärli git sech ds Ja-Wort!

Uf de Strasse vo Rostov hets viu Geischter us längscht vergangene Zyte. Meischtens in Form vo Roschtloube, wo me sech fragt, wie die überhoupt no chöi fahre. Aber mängisch fingt me onä Perle drunger.

Su Elsener ist als Fanarbeiterin an der Fussball-WM in Russland. Für den BÄRN!BLOG schickt sie uns regelmässig Fotoimpressionen und Tagebuchnotizen.

Verwandte Beiträge