S Wichtigschte ligt scho ir Goffere: di dunkublaui Jagge u di häublaue Shirts mitem FSE- Swiss Fans‘ Embassy- Logo! Am Donnschti geits los uf Russland!

 

Wi scho im 2016 ds Frankrich chani zäme mitem Luke Meier vor Fänarbeit YB und em Jérôme Lambert vom FC Lausanne-Sport d Fänbotschaft amne grosse Turnier im Ussland mache. Mir wärde vor de Schwizerfäns id Städt reise u abkläre was-wie-wo cha wichtig si für ne ruhige u fröhleche Ablouf vor u nachem Mätsch.

 

Was darf me u was eher ned? Wie chumi zum Stadion? Wo chani vor oder nachem Spiu gäbig eis ga zie? Wo findi landestypischi Chuchi? Bis wenn fahre d ÖV? U vorauem: Gits ä Fänmarsch? Wo trifft me sech? Wo chani Voucher wächsle? Wo Gäud usela?

 

Aues Frage, wo i jedere Stadt chöi ä angeri Antwort becho u wos eifach uuu gäbig isch, we mä se ir eigete Sprach, ömu sicher Schwyerdütsch u Franz, zäme cha kläre. „Good hosting-few problems“ isch sit viune Jahre d Basis vor Arbeit vo FSE (Football Supporters Europe: www.fanseurope.org). 2008 gründet, het das gmeinnützige Netzwärk hüt i 48 Länder Fänbotschafte mitem Ziu, ä niderschwellige Biitrag zu fridleche EM- u WM-Turnier z leischte. We irä Mönschemängi di wichtigschte Frage klärt si, gits weniger Verunsicherige u somit weniger negativi Gfühl wo chöi in Wuet u  Aggressivität ände.

 

I ha ar Euro’08 scho chönne d Bärner Fanbotschaft leite u so d Aafäng vor FSE miterläbe. Viu Härzbluet u differenzierts Dänke hei das Netzwärk scho immer prägt. Über die Jahre isch vorauem Zämearbeit mit de Verantwortleche vo de Ligene änger worde, was üsi Arbeit o proffessionalisiert het.

 

Di nächschte Wuche wirdeni hie ufem baernblog mini Iidrück vo däm mir no völlig unbekannte Land teile. Mau luege, wies usechunnt... HOPP SCHWIIZ!

 

Public Viewings in Bärn und Umgäbig

 

 

 

 

Please reload

Verwandte Beiträge

Please reload